Nieuwe tweede jeugdprins en adjudant
 |
Ontdek het verleden van GroenloDuik in een rijke verzameling van meer dan 8.000 foto’s en films. Elke dag wordt een nieuwe oude foto toegevoegd. Deel jouw herinneringen bij elke foto! |
GROENLO – De zaal in het carnavalshoes City Lido zat dinsdagmiddag helemaal vol. De vijfde tweede jeugdprins en adjudant werden deze middag onthuld. Prins Fons III (Klein Tuente) en Adjudant Harry (Vennebekken) zwaaien de scepter over de oudere jeugd.
Maidenspeech
FONS
Miquel Porskamp belde mi-j dat he langs wol kommen
um meer informatie te kriegen veur het schrieven van ’n book oaver ‘t 22 joar bestoan van de Popies,
de vriendengroep waor he samen met mi-jn zunne in zit.
Ik zei: Dat kan wal!
Miquel kwam binn’n met ne plestiek toeten in de hand.
Toen he binnen was, begon he net as alle jonge leu te knooien met de telefoon.
Effen later geet de belle en doar steet Rob Stokkers an de deur. Toen had ik al een flauw vermoeden. En dat klopp’n.
Of ik wal Tweedejeugdprins wilde worden!
En jullie zeet het; ik heb JOA e’zegd!
Dat maak ie moar één keer met in ow leaven.
Moar ja, dan mot d’r ok nog ‘n adjudant kommen.
Mo’k dat noo al beslissen? Joa!
Noo, dan wet ik d’r wal ene. Den toffen van Vennebekken!
HARRY
Bi-j mi-j geet de telefoon. Fons an ’t apparaat. He vroog of ik wol kommen um de carnavalspakken te passen.
Ik zei: Noo meteen? Joa, en breng Diny ok moar met.
Wi-j beiden d’r hen.
Toen wie an kwamen lopen, brenden geen lampe,
op ’t neij-kemerke van Thea.
Dat vonden wie wa raar!
En toen wie binnen kwamen,
zaten die beide toffen al in de kamer:
Miquel en Rob.
Ik zei nog: Ok, klere passen jongs?
FONS
Harry en Diny hadden eerst niks in de gaten.
Toen heb ik ze moar verteld, woarumme de jongs hier waren:
Ze hebt mi-j vroagd of ik Tweedejeugdprins wil worden en ik heb JOA e’zegd!
En noo vroag ik ow of i-j mien adjudant wilt worden!
HARRY
Ik schrok d’r eerst wal van, moar ja,
ik kan toch neet weigeren!
Ik heb oetendelijk ok JOA e’zegd, en doarumme stoat wi’j hier vanmiddag met mekaar in de Nölletonne.
Wi-j vind ’t alderbastend mooi dat ze ons e’vroagd hebt, um Tweedejeugdprins en Tweedejeugdadjudant van Grolle te worden.
Wi-j wilt jullie, moar zeker ok onszelf neet loat’n wachten,
dus wi-j trapt um snel an!
Proclamatie
Wi-j
Viefde Tweedejeugdprins Fons den Darden,
geboren in Auste an de Huurninkallee 11,
zunne van Bernhard en Agnes,
getrouwd met Thea ne deerne oet Veur-Beltrum,
en de va van Koen en Bas,
en de trotse opa van Tess, Noor, Babet, Stan, Pim en Maud,
Van de klussersgroep Basiliek,
tot de moandelijkse nölleri’je op de Grolse Soos
in ’t Brouwershoes.
en
Viefde Tweedejeugdadjudant Harry,
geboren in Tukkerland bi-j de watermölle van Bels in Vasse, zunne van Jan Hendrik en Diene,
getrouwd met Diny oet Köttelperendoarp Denekamp,
en de va van Dennis, Patrick en Colin
en de trotse opa van Saar, Mats, Sophie, Robin en Yfke,
Van geldbewaarder van ’n Olde Calixtus,
tot moandelijkse nölleri’je op de Grolse Soos in ’t Brouwershoes.
Verordonneert en maakt bekend dat:
Fons:
Ten eersten:
Noo de spoorrails weer in Grolle ligt,
hoof wie neet meer halverwege Lechtenvoorde op ’n boemel te stappen.
Harry:
Ten tweeden:
Omdat wi-j ‘m nog wal geerne lust,
kunt wi-j straks lopend noar ’t Brouwersnös.
Fons:
Ten darden:
Goa in Grolle vri-jdags nooit met ’n hoedel fietsend oaver de ploddenmarkt,
want deur d’n veldwachter kom i-j nooit meer in hoes,
den gooit ow in de kerkers onder ’t Stadhoes!
Harry:
Ten veerden:
Wi-j al ruum 25 joar met onze VEKO-buurt op reis goat noar ’t boetenland,
en dat ze van te veuren neet wet of ze met ne boot, trein, bus of auto goat.
En noa dee veer dagen bunne wi-j bli-j
dat wi-j weer bi-j Wissink an toafel zit!
Fons:
Ten viefden:
Deur al dat genöl met de toeristentax,
hadd’n wi-j onze dweilorkestendag,
bi-jnoa zonder geluud e’had!
Harry:
Ten zesden:
Wi-j neet alleen met carnaval as Tweedejeugd an toafel zit, moar noo zelfs met de karmisse as “Joartje Meer” in de tente an de grachte en dat ze ons nog neet vergetten bunt.
Fons:
Ten zeuvenden:
Noo wi-j zo vaak oppast op onze bözzels,
Wi-j in de toekomst nog neet wet,
noar welke school wi-j ze mot breng’n.
De gemeente zug dat nog veur ons oet.
Harry:
Ten achtsten:
Deur de verhuuzing van ons cultureel centrum de Bron
kriege wi’j in de binnenstad d’r een mooi bouwwerk bi-j.
Moar as ze zich mar neet oet de bokse timmert!
Fons:
Ten negenden:
A’j met ni-joorsdag met de blote konte het water in wilt,
dan ku’j toes de klere al oettrekken
want dat kan dat tegenwoordig bi-j de Besselinkschans.
Harry:
Ten tienden:
Wi-j hebt e’heurt dat d’r in Grolle een aparte fluusterboot kump, met ne berre d’r in,
want anders stoot die olden zich de harsens
an die beide brugg’n!
Fons:
Ten elfden:
Noa al disse wieze woorden van ons,
hopt wi-j dat jullie d’r iets van op e’stokk’n hebt,
en feest wi-j wieter onder ons motto:
VEDAN, ZOLANG ’T NOG KAN!!!
Aldus op’emaakt in de mooie veste Grol anno 2017.
GROLLE ALAAF!
Viefde Tweedejeugdprins Fons den Darden
&
Viefde Tweedejeugdadjudant Harry
